बहादुरसिंह लामाले मुख्यमन्त्री पदबाट राजीनामा दिने

१६ साउन, काठमाडौं । बागमती प्रदेशका मुख्यमन्त्री बहादुरसिंह लामाले पदबाट राजीनामा दिने हुनुभएको छ । नेपाली कांग्रेसका सभापति शेरबहादुर देउवाले राजीनामा दिन निर्देशन दिएपछि लामाले पदबाट राजीनामा दिन लाग्नुभएको हो ।

दलको नेतामा इन्द्र बानियाँसँग पराजित भएपनि लामाले मुख्यमन्त्री पदबाट राजीनामा नदिने अडान दिनुभएको थियो । तर, देउवाको निर्देशनपछि मुख्यमन्त्री लामाले राजीनामा दिन लागेको उनी निकट प्रदेश सांसद तीर्थ लामाले जानकारी दिनुभयो ।