ओभरसिज नेपालिजको १० लाख कित्ता सेयर बिक्रीमा

२४ चैत, काठमाडौं । ओभरसिज नेपालिज इन्भेष्टमेन्ट कम्पनी लिमिटेडले केही सेयर बिक्रीमा ल्याएको छ । कम्पनीले १० लाख ६ हजार ९१९ कित्ता सेयर बिक्रीमा राखेको छ।

बिक्रीमा राखिएको सेयर विद्यमान संस्थापक सेयरधनीहरूले मात्र किन्न पाउने छन् । उक्त सेयर खरिद गर्न इच्छुक विद्यमान सेयरधनीहरुले सूचना प्रकाशित भएको ३५ दिनभित्र आवेदन दिनु पर्नेछ । सेयरको बिक्री मूल्य प्रतिकित्ता १०० रुपैयाँ तोकिएको छ।

साथै, तोकिएको समयभित्र संस्थापक सेयरधनीबाट उक्त सेयर खरीदका लागि आवेदन नपरेमा सो सेयर सर्वसाधारणलाई बिक्री गर्न प्रक्रिया अघि बढाइने कम्पनीले जनाएको छ।