एनपीएल: फाइनल प्रवेशका लागि जनकपुर र कर्णाली भिड्दै
४ पुस, काठमाडौं । नेपाल प्रिमियर लिग (एनपीएल) को क्वालिफायर टु मा आज कर्णाली याक्स र जनकपुर बोल्ट्सबीच प्रतिस्पर्धा हुँदैछ ।
कीर्तिपुरस्थित टीयू अन्तर्राष्ट्रिय क्रिकेट मैदानमा उक्त खेल मध्यान्न १२ बजे सुरु हुनेछ ।
लिग चरणमा चौथो स्थानमा रहेको कर्णाली याक्सले बुधबार भएको एलिमिनेटरमा चितवन राइनोजलाई २१ रनले पराजित गर्दै क्वालिफायर टु मा प्रवेश गरेको थियो ।
कर्णालीका लागि जिशन मक्सुद, नन्दन यादव र सोमपाल कामीले बलिङ सम्हाल्दा क्वालिफायरमा पुग्न सफल भएको थियो।
समूह चरणको खेलपछि शीर्ष चारमध्ये दोस्रो स्थानमा रहेको जनकपुर पहिलो क्वालिफायरमा सुदूरपश्चिमसँग पराजित भएपछि दोस्रो क्वालिफायर खेल्नुपर्ने अवस्थामा पुगेको हो।
लिग चरणको खेलमा भने जनकपुरले कर्णालीलाई सजिलोसँग हराएको थियो। त्यतिबेला कर्णालीले दिएको १४१ रनको लक्ष्य जनकपुरले २ विकेट मात्रै गुमाएर १५.१ ओभरमै भेट्टाएको थियो।
आजको विजेताले भने उपाधिका लागि अब सुदूरपश्चिम रोयल्ससँग खेल्नेछ।
प्रकाशित मिति : ४ पुष २०८१, बिहीबार १०:३०
