यू-१९ महिला एसिया कप: नेपालले भारतलाई दियो ९५ रनको लक्ष्य
२ पुस, काठमाडौं । मलेसियामा जारी एसीसी यू-१९ एसिया कप क्रिकेटमा मंगलबार नेपालले भारतलाई ९५ रनको लक्ष्य दिएको छ । मलेसियाको वायुमास ओभलमा भइरहेको खेलमा टस हारेर ब्याटिङको निम्तो पाएको नेपालले २० ओभरमा ८ विकेट गुमाएर ९४ रन बनाएको हो ।
नेपालका लागि कप्तान पुजा महतोले सर्वाधिक २५ रन बनाइन् । साथै एलिसाकुमारी यादवले अविजित रहँदै २० रन बनाइन् ।
भारतका लागि परुनिका सिसोडियाले ४ ओभरमा १२ रन दिएर ४ विकेट लिइन् ।
नेपालले सोमबार भएको पहिलो खेलमा पाकिस्तानलाई हराउँदै सुपर-४ मा स्थान बनाइसकेको छ ।
प्रकाशित मिति : २ पुष २०८१, मंगलवार १४:०३
