काँग्रेस केन्द्रीय समितिकाे बैठक बिना निष्कर्ष टुगिंयाे, पार्टी कार्यालयमा दिनभर तनाव

१ मंसिर, काठमाडौँ । शनिबार साँझ बसेकाे काँग्रेस केन्द्रीय समिति बैठक बिना निष्कर्ष टुगिंएकाे छ ।निर्धारित समयभन्दा  झण्डै ५ घण्टा ढिलाे सुरू भएकाे बैठक १० मिनेट बसेरै निष्कर्षबिहिन सकिएकाे हाे । बैठक आइतबार दिउँसो २ बजे फेरि बस्ने गरी सकिएको एक नेताले बताए ।

बैठकमा आज कुनै विषयमा छलफल नभएको र भोलि नेविसंघको विषय र महासमिति बैठकलगायतका विषयमा छलफल बताइएकाे छ । केन्द्रीय समिति बैठक बोलाइएसँगै शनिबार दिनभर पार्टी केन्द्रीय कार्यालय परिसरमा नेविसंघका कार्यकर्ताले विरोध प्रदर्शन गरेका थिए ।तत्काल महाधिवेशन गर्ने वातावरण निर्माण गरिनुपर्ने लगायतका माग राख्दै नेविसंघले विरोध प्रदर्शन गरेको हो । सो क्रममा सानेपा परिसर तनावग्रस्त समेत बन्न पुगेको थियो ।