लुम्बिनी विकास बैंकद्धारा चन्द्रज्योति माध्यामिक विद्यालयलाई प्रिन्टर हस्तान्तरण

१९ कात्तिक, काठमाडाैं । लुम्बिनी विकास बैंक लिमिटेड, देविघाट शाखाले संस्थागत सामाजिक उत्तरदायित्व अन्तर्गत विदुर नगरपालिका वडा नं. ५ मा अवस्थित श्री चन्द्रज्योति माध्यामिक विद्यालयलाई १ थान प्रिन्टर हस्तान्तरण गरेको छ ।

साे प्रिन्टर हस्तान्तरण कार्यक्रममा बैंककाे तर्फबाट देविघाट शाखाका प्रमुख रमेश कुमार नेपाल, बट्टार शाखाका प्रमुख बिश्वम्भरमान सिंह डंगोल, ढिकुरे शाखाका प्रमुख सुर्य कुमार पण्डित र विदुर नगरपालिका वडा नं ५ का वडा अध्यक्ष लिलानाथ न्यौपाने, विद्यालय व्यवस्थापन समितिका अध्यक्ष छत्रराज डंगोल र विद्यालयका प्रधानाध्यापक बासुदेव पनेरुको  उपस्थिती रहेको थियो ।

शाखाका प्रमुख नेपालले बैंकको वर्तमान अवस्था तथा भावि योजनाहरुबारे धारणा व्यक्त गरेका थिए भने उक्त कार्यक्रममा विद्यालयका प्रधानाध्यापक पनेरुले बैंकलाई उक्त प्रिन्टर सहयोगको लागि धेरै धन्यवाद व्यक्त गरेका थिए । लुम्बिनी विकास बैंकको हाल देशका सातवटै प्रदेशमा गरी ८९वटा शाखा कार्यालयहरु तथा १ वटा एक्सटेन्सन काउन्टर सञ्चालनमा रहेका छन् ।