बरुण हाइड्रोलाई १०० प्रतिशत हकप्रद जारी गर्न विद्युत नियमन आयोगले दियाे स्वीकृति

१० भदाै, काठमाडाैं । विद्युत नियमन आयोगले बरुण हाइड्रोपावर कम्पनी लिमिटेडलाई हकप्रद सेयर निष्कासनको स्वीकृति दिएकाे छ । आयोगको भदौ ७ गते बसेको बैठकले बरुण हाइड्रोपावरलाई १ः१ अनुपातमा हकप्रद निष्कासन गर्न स्वीकृति दिने निर्णय गरेको हो ।

कम्पनीले हाल कायम चुक्ता पुँजी ५३ करोड ५८ लाख १५ हजार रुपैयाँको शत प्रतिशत हकप्रद जारी लागेको हो ।  हकप्रद सेयर बिक्रीपछि बरुणको चुक्ता पुँजी १ अर्ब ७ करोड १६ लाख ३० हजार रुपैयाँ पुग्नेछ ।  कम्पनीले अब हकप्रद निष्कासनका लागि नेपाल धितोपत्र बोर्डबाट अनुमतिका लागि निवेदन पेस गर्नेछ।