त्रिभुवन विश्वविद्यालयका उपकुलपति तीर्थ खनियाँको कार्यकक्षमा विद्यार्थी अाक्रमण

२१ भदाै, काठमाडाैँ । त्रिभुवन विश्वविद्यालयका उपकुलपति तीर्थ खनियाँको कार्यकक्ष विद्यार्थीले एकैक्षणमा तोडफोड गरेर ध्वस्त पारेका छन । शिक्षा शास्त्र केन्द्रीय विभागमा अध्ययनरत विद्यार्थीले उकपुलपतिको कार्यकक्षमा तोडफोड हुन ।

उनीहरूले स्नातकोत्तर तह र शिक्षक सेवा आयोगको स्थायी नियुक्तिका लागि शिक्षक छनोट परीक्षाको मिति जुधेपछि त्रिविको परीक्षा सार्न आन्दोलनमा  उत्रनेक्रममा उपकुलपतिको कार्यकक्ष तोडफोड गरेका हुन । आयोगले असोज ११, १२ र १३ गते परीक्षा निर्धारण गरेको छ । त्रिविको परीक्षा पनि त्यही मितिमा तय  भएपछि  विद्यार्थी अाक्रोशित भएका हुन ।

तोडफोडबाट उपकुलपति कार्यालयको झ्यालका सिसा फुटेका छन् । कुर्सी, दराज, सोफा र टेबलमा क्षति पुगेको  त्रिविका सूचना अधिकारी नोदनाथ त्रितालले जानकारी दिए ।