त्रिशूलीमा ट्रक खस्दा एकको मृत्यु
१३ भदौ,धादिङ । त्रिशूली नदीमा गए राति ट्रक खस्दा एक जनाको मृत्यु भएको छ । एक बेपत्ता भएका छन् । काठमाडौँबाट नारायणगढतर्फ जाँदै गरेको बा४ख ७७८१ नं को ट्रक गजुरी गाउँपालिका–६ पोखरेखोलाबाट त्रिशूलीमा खस्दा गजुरी–६ का २२ वर्षीय केशर पुलामीको मृत्यु भएको छ । सोही ठाउँका २१ वर्षीय रामकृष्ण भुजेल नदीमा हराइरहेका छन् ।
भुजेलको खोजी भइरहेको प्रहरी उपरीक्षक डम्बरबहादुर विकले जानकारी दिनुभयो । घाइते तीन जनालाई उपचारको लागि काठमाडौँस्थित ट्रमा सेन्टर पठाइएको छ ।
(यस अघि ट्रक हुनुपर्नेमा अन्यथा हुनगएकाेमा सच्चाइएकाे छः सम्पादक )
स्राेत रासस
प्रकाशित मिति : १३ भाद्र २०७५, बुधबार ११:३९
