महोत्तरीमा मस्जिदमा मुस्लिम धर्मालम्बीबीच झडप हुँदा १० जना घाइते,प्रहरीले २ राउण्ड हवाई फायर गर्याे
६ भदौ, काठमाडौं । महोत्तरीमा मस्जिदमा मुस्लिम धर्मालम्बीबीच झडप हुँदा १० जना घाइते भएकाछन् । महोत्तरीको लोहारपट्टी गाउँपालिका–३, महदैया चोकको इदगाहा मस्जिदमा दुई पक्षबीच बिहान ८ बजे झडप हुँदा उनीहरु घाइते भएका हुन् । घाइतेको अवस्था सामान्य छ ।
नमाज वाचन गर्न दुई पक्षले आ–आफ्ना पण्डित अघि सारेपछि बढेको विवाद झडपमा परिणत भएको जिल्ला प्रहरी कार्यालय महोत्तरीले जनाएको छ । परिस्थिति तनावग्रस्त बनेपछि प्रहरीले २ राउण्ड हवाई फायर गरेकाे थियो । प्रहरीले भीड तितर–वितर पारेपछि अवस्था नियन्त्रणमा आए पनि विवाद नमिलेकाे जनाएकाे छ ।
प्रकाशित मिति : ६ भाद्र २०७५, बुधबार ११:०२
