मदिरा, धुमपान र हुक्का सेवन गरेर होहल्ला गर्ने २७३ किशोर किशोरी प्रहरी नियन्त्रणमा

२६ साउन, काठमाडाैँ । प्रहरीले मदिरा, धुमपान र हुक्का सेवन गरेर होहल्ला गर्ने २७३ किशोर किशोरीलार्इ पक्राउ गरेको छ । वटवलका दुई वटा हुक्का बारमा छापा मारेर प्रहरीले झण्डै २७३ किशोर किशोरीलाई नियन्त्रणमा लिएको हो ।

स्थानीयको उजुरीका आधारमा प्रहरीले फोर्ड क्याफेमा १२३ किशोरी र ८४ जना किशोर तथा ग्यालेक्सीमा ३१ किशोरी र २५ किशोर पक्राउ गरेको हो । उनीहरूलार्इ केही घण्टा इलाका प्रहरी कार्यालय बुटवलमा राखे पश्चात अभिभावकलाई बोलाएर जिम्म लगाइएको छ ।

प्रहरीले ग्यालेक्सी क्याफेका संचालक अर्जुन अर्याल र निलकण्ठ अधिकारी तथा बिच फोर्डका संचालक विजय थापा र अरुण गुरुङलाई पक्राउ गरी सार्वजनिक अपराधको मुद्दा चलाएको छ ।