करिब आधाकिलो सुनसहित सुनसरीका फैयाज आलम त्रिभुवन विमानस्थलबाट पक्राउ

२२ साउन, काठमाडौँ । त्रिभुवन विमानस्थलबाट करिब आधा किलो सुनसहित एक युवक पक्राउ परेका छन् । सुनसरी घर भएका फैयाज आलमलाई महानगरीय प्रहरी वृत्त गौशालाले पक्राउ गरको हो ।

आलमले वैदेशिक रोजगारीमा जाने कामदारलाइ प्रयोग गरी सुन तस्करी गरेको प्रहरीले जनाएको छ । उनीबाट सुनका ७ वटा चुरा र ५ वटा बेरुवा औंठी बरामद गरेको छ । ४ सय ५७ ग्राम बराबरको बरामद सुनका मूल्य २१ लाख ९४ हजार पर्ने प्रहरीले जनाएको छ ।