गोरखामा पहिरोले घर बगाउँदा काखे बालकसहित तीन जनाको मृत्यु

२ साउन, काठमाडौँ । गोरखाको शहीद लखन गाउँपालिकामा पहिरोले घर बगाउँदा तीन जनाको ज्यान गएको छ । शहिद लखन गाउँपालिका वडा नम्बर ६, अँधेरीमा मा रहेको नवराज कुँवरको घर बुधबार बिहान पहिरोले बगाएको र तीन जनाको मृत्यु भएको प्रहरीले जनाएको छ ।

घर बगाउँदा नवराजकी १० वर्षीया भतिजी प्रबिना कुँवर, २० वर्षीया भान्जी सरु कुँवर र उनका नौ महिने छोराको ज्यान गएको गाउँपालिकाका प्रमुख प्रशासकीय अधिकृत जीवन आलेले जानकारी दिए । नौ महिने छोरासहित सरु पाहुना बस्न आएकी स्थानीयले बताएका छन ।