चर्चित टेलिभिजन सिरियल बालिका वधुकी दादी सा सुरेखाको निधन

१ साउन, काठमाडाैँ । अभिनेत्री सुरेखा सीकरीको ७५ वर्षको उमेरमा कार्डियक अरेस्टका कारण निधन भएको । चर्चित भारतीय टेलिभिजन सिरियल ‘बालिका वधु’ की ‘दादी सा’ को रूपमा निकै प्रख्याति कमाएकी थिइन ।

फिल्म ‘बधाई’ पछि कुनै पनि ठूला प्रोजेक्टमा काम नगरेकी अभिनेत्री सीकरीले महाराष्ट्र सरकारसँग ६५ वर्षभन्दा बढी उमेरका कलाकारका लागि सुटिङ गर्न नरोक्न माग समेत गरेकी थिइन् । सिकरी केही समयदेखि बिरामी थिइन् र सन् २०२० मा उनलाई मस्तिष्कघात भएको थियो । सन् २०१८ मा उनलाई पक्षघात भएको थियो ।

तीनपटक राष्ट्रिय पुरस्कार जितेकी सिकरीले नाटक, चलचित्र र टेलिभिजनमा काम गरेकी थिइन् । उनले सन् १९७८ मा किस्सा कुर्सी का नामक राजनीतिक फिल्मबाट करीयर शुरू गरेकी थिइन् । उनले तमस, मम्मो र बधाई हो फिल्मबाट राष्ट्रिय पुरस्कार जितेकी थिइन् ।