अभिनेत्री करिष्मा मानन्धरको प्रश्नः माओवादीले भत्काउदैमा हाम्रो अस्तित्व भत्कियो ?

६ असार, काठमाडौँ । अभिनेत्री करिष्मा मानन्धरले माओवादीप्रति आक्रोश व्यक्त गर्नुभएको छ । आइतबार सामाजिक सञ्जाल फेसबुक मार्फत उहाँले दुइ प्रश्न गर्दै माओवादीप्रति आक्रोश व्यक्त गर्नुभएको हो । अभिनेत्री मानन्धरले  माओवादीले भत्काउँदैमा हाम्रो अस्तित्व भत्कियो त भन्दै प्रश्न गर्नुभएको छ ।

उहाँले माटो सुहाउँदो विचार ल्याउनु पर्ने भन्दै माओवादीको रक्तस्राव क्रान्ति हेरेको र सहेको भन्दै अब शान्तिले बाच्ने वातावरण बन्नुपर्ने बताउनुभयो । उहाँले दुःखेको घाउलाइ कोट्याउने कि मिलेर विचार विमर्श गर्ने भन्दै अर्को प्रश्न पनि गर्नुभएको छ । बाबुराम भट्टराइको नयाँ शक्ति दलमा लाग्नुभएको मानन्धर नयाँ शक्ति नै कोल्याप्स भएपछि राजनीतिमा सक्रिय हुनुहुन्न ।