चलचित्र ‘ए मेरो हजुर ४’ भदौ १८ बाट प्रदर्शन हुने

२४ फागुन, काठमाडौँ । अनमोल केसी र सुहाना थापा अभिनित चलचित्र ‘ए मेरो हजुर ४’काे प्रदर्शन मिति घोषणा भएकाे छ । सोमबार अफिसियल पोस्टर लन्च गर्दै भदौ १८ गते फिल्म रिलिज गर्ने घोषणा गरेका हुन् । चलचित्रको फस्टलुकमा नायक अनमोल केसी र नायिका सुहाना थापा रोमान्टिक मुडमा देखिएका छन् ।

सुनिल कुमार थापा प्रोडक्शनको ब्यानरमा बनेको यो चलचित्रलाई झरना थापाले निर्देशन गरेकी हुन् । चलचित्रमा बसन्त सापकोटा, आशिष अविरल, प्रतिक पौडेल, कल्याण सिंहको संगीत, संजय लामाको छायांकन, कविराज गहतराज र रामजी लामिछानेको कोरियोग्राफी, हिमाल केसीको एक्सन, मित्र डी गुरुङको सम्पादन रहेकाे छ ।