विवाह भोजमा गएका दाङका राजनलाई कुटपिट गरी हत्या गर्ने ६ जना पक्राउ

१६ फागुन, काठमाडौँ । दाङको घोराही उपमहानगरपालिका-१६ बस्ने २१ वर्षीय राजन चौधरीको कुटपिट गरी हत्या गरेको अभियोगमा प्रहरीले ६ जनालाई पक्राउ गरेको छ । प्रहरीले सोही उपमहानगरपालिका-१० जलौरा बस्ने २३ वर्षीय उमेश चौधरी समेत ६ जनालाई शनिबार राति पक्राउ गरेको हो । जलौरा नजिक विवाहको भोजमा गएको अवस्थामा राजनलाई उमेश समेत ६ जनाले कुटपिट गरी घाइते बनाएको थिए । प्रहरीले कुटपटमा संलग्न उनीहरुलाई पक्राउ गरेको हो ।

कुटपिटबाट गम्भीर घाइते भएका राजनको स्वास्थ्य विज्ञान प्रतिष्ठान घोराही हुँदै चौराह हस्पिटल मेडिकल कलेज बुटवलमा थप उपचारको क्रममा मृत्यु भएको हो । यस सम्बन्धमा प्रहरीले थप अनुसन्धान गरिरहेको छ ।