हाँडिगाउँलाई ऐतिहासिक थलोको रुपमा विकास गर्छाैँः उपप्रधानमन्त्री पोखरेल

८ फागुन, काठमाडाैँ । उपप्रधानमन्त्री ईश्वर पोखरेलले हाँडिगाउँ स्थित पुनःनिर्मित भिमसेन मन्दिरको आज एक समारोहका विच उद्घाटन गर्नुभएको छ । वाग्मती प्रदेश सरकार, पूर्वाधार विकास साझेदारी कार्यक्रम र स्थानीय जनसहभागितामा निर्मित मन्दिरको उद्घाटन गर्दै पोखरेलले हाँडिगाउँलाई ऐतिहाँसिक थलोको रुपमा विकास गर्नेगरी सरकारले काम गरिरहेको वताउनुभएको छ ।

विगतमा लिच्छविकालीन समयको राजधानी थलोको रुपमा रहेको हाँडिगाउँ क्षेत्रलाई विकास गर्नेगरी आफुले अठोट गरेको स्मरण गर्दै उपप्रधानमन्त्री पोखरेले इतिहासको केन्द्रभागको रुपमादुनियाँलाई चिनाउने गरी यस क्षेत्रको विकास गर्ने अध्ययन र उत्खनन्को काम भैरहेको बताउनुभयो । पुरातात्व विभागबाट यस क्षेत्रको अध्ययनको काम जारी रहेको बताउँदैं पोखरेलले तत्पश्चात यस क्षेत्रलाई कसरी विकास गर्ने भन्ने बारेमा टुँगोमा पुग्ने बताउनुभयो ।

सरकारले यस क्षेत्रको अध्ययन र अन्वेषणका निम्ती आफ्नो नीति कार्यक्रममा प्राथमिकतापूर्वक कार्यक्रम समाविष्ट गरिसकेको छ । ‘यो कुनै एउटा विषयमा मात्रै अध्ययन गर्ने कुरा होइन, धेरै कुरा ख्याल गरेर अध्ययनको काम भैरहेको छ, तत्पश्चात सरकारको मातहतमा रहने गरी विशेष किसिमको समिति बनाएर यस्को संरक्षण, उत्खनन् र विकासको काम गर्ने हाम्रो योजना छ’–उहाँले भन्नुभयो ।

पुराना ऐतिहासिकता झल्किने, धार्मिक र सांस्कृतिक परम्परा र विशिष्टता झल्काउने सम्पदाको पहिचान, उत्खनन् र विकास गर्ने सरकारको मान्यता रहेको बताउँदैं हाँडिगाउँ क्षेत्रलाई कुन स्वरुपमा अगाडि बढाउने हो त्यसवारेमा विज्ञ सहितको टोलीले काम गर्ने बताउनुभयो । उहाँले पुरातत्व विभागको अध्ययनको काम सकिएपछि त्यसको आधारमा अन्य कामको टुंगो लाग्ने बताउनुभयो ।

जनताको सहभागितामा मात्रै पुरातात्विक र ऐतिहासिक महत्वका सम्पदाहरुको संरक्षण हुने बताउँदैं उपप्रधानमन्त्री पोखरेलले जनताको स्वामित्व र सहभागीतामा नै सवैभन्दा महत्वपूर्ण कुरा रहेको बताउनुभयो । राजनीतिक स्थायित्वले मात्रै विकास र सम्वृद्धि दिन सक्ने बताउदैं उपप्रधानमन्त्री पोखरेल अहिले फेरी सरकार ढाल्ने, अस्थिरताको रोग निम्त्याउन खोजिएको बताउनु्भयो ।

‘राजनीतिक अस्थिरताको भूतप्रेतले अहिले पनि लखेटिरहेको छ, सरकार ढाल्ने र बनाउने खेलोमा रङमगिने लामो समय देखिको एउटा अभ्यास र रोग जनु थियो त्यो अहिले पनि वेलामा वेलामा देखापर्ने खोज्दै छ’–उपप्रधानमन्त्री पोखरेलले भन्नुभयो–‘त्यसैले जनताको विचमा गएर यि सवै चिजको फैसला गर्नुपर्छ भनेर सरकारले ताजा जनादेशमा जाने निर्णय लिएको हो ।’