भागरथीकाे बलात्कार र हत्या गर्ने व्यक्ति पक्राउ

५ फागुन, काठमाडाैँ । बैतडीको दोगडाकेदार गाउँपालिका-७ की १७ वर्षीया किशोरी भागरथी भट्टको बलात्कार तथा हत्या गरेको हत्यामा अभियाेगमा प्रहरीले एक जनालाई पक्राउ गरेको छ। पक्राउ पर्नेमा उनकै विद्यालयका कक्षा ११ मा अध्धयनरत दिनेश भट्ट गरेकाे प्रहरूले जानकारी दिएकाे छ । पक्राउ परेका उनलाई बुधबार सार्वजनिक गर्ने तयारी गरिएको सुदूरपश्चिम प्रदेश प्रहरी प्रवक्ता प्रहरी वरिष्ठ उपरीक्षक मुकेशकुमार सिंहले जानकारी दिए ।

माघ २१ गते बिहान ९ बजे घरबाट विद्यालय हिँडेकी भागरथीकाे शव माघ २२ गते साँझ ५ बजे लवलेक जंगलको बाटोभन्दा करिब ७० मिटर तल बनमाराको झाडीभित्र फेला परेकाे थियाे । भागरथीको शव भेटिएको भोलिपल्ट अर्थात् माघ २३ गते सुदूरपश्चिम प्रदेश प्रहरी कार्यालयबाट लगिएको तालिमप्राप्त कुकुरले अपराधी गएको बाटो देखाएपनि अपराधीको घरसम्म पुग्न सकेको थिएन ।

भागरथीकाे बलात्कार र हत्यामा संलग्न रहेको आशंकामा अर्का एक व्यक्तिलाई पनि प्रहरीले पक्राउ गरेको थियो । प्रहरीको टोलीले उनलाई शानिवार राति कञ्चनपुरको महेन्द्रनगरबाट पक्राउ गरी बैतडीसमेत पुर्याएको थियो । यद्यपि, अहिले उनकै विद्यालयका एक छात्रले भागरथीको बलात्कार र हत्या गरेको स्वीकार गरेका छन् ।