कुकुरलाई सडकमा दिसा गराउने विराटनगरका टेकबहादुर गिरी प्रहरी हिरासतमा

११ असार, विराटनगर । मोरङ प्रहरीले सडकमा कुकुरलाई दिसा गराउँदै हिड्ने विराटनगर महानगरपालिका –८, मधुमाराका टेकबहादुर गिरीलाई नियन्त्रणमा लिई हिरासतमा राखेको छ । मिहनौदेखि कुकुरलाई सडकमा दिशा पिसाव गराउने बानी परेका गिरीलाई विराटनगरकै एक महिलाले त्यसो नगर्न सुझाव दिँदा उक्त महिलाको औँला नै छिन्ने गरी गिरीले टोकिदिएका थिए ।

प्रहरीका अनुसार स्थानीय संगिता पोख्रेलले सडकमा कुकुरलाई दिसा नगराउन भन्दा उनीमाथि गिरीले कुटपिट गर्नुका साथै मुखले टोकेर औँला नै चुँडाइदिएका छन् । दोषी टेकबहादुर गिरीलाई पक्राउ गरी जिल्ला प्रहरी कार्यालय मोरङको हिरासतमा राखिएको मोरङका प्रहरी उपरीक्षक मनोजकुमार केसीले जानकारी दिए । उनलाई जिल्ला अदालत मोरङमा अंगभंगसम्बन्धी मुद्दा दायर गरिएको केसीले बताए ।