अवैध लागूऔषध सहित गोरखाका चिज कुमार पक्राउ

२ फागुन, काठमाडौँ । काठमाडौँ टोखा नगरपालिका-१० टोखा डेरा गरी बस्ने गोरखा अजिरकोट गाउँपालिका-२ घर भएका ३८ वर्षीय चिज कुमार गुरुङलाई २ सय २२ ग्राम लागूऔषध एम्फेटामाईन र १ थान लागूऔषध तौल गर्ने डिजिटल तराजु सहित गत आइतबार प्रहरीले पक्राउ गरेको छ ।

लागूऔषध नियन्त्रण व्यूरो कोटेश्वरबाट खटिएको प्रहरीले टोखा नगरपालिका-१० स्थित सडकमा उनको साथबाट १० ग्राम र अनुसन्धानको क्रममा उनकै कोठाबाट थप २ सय १२ ग्राम गरी जम्मा २ सय २२ ग्राम लागूऔषध एम्फेटामाईन बरामद गरेको हो ।