नेपाली सेनाका मेजर धिरेन्द्रजंग शाही लागूऔषधसहित पक्राउ
१० असार, बाँके । नेपाली सेनाका मेजर धिरेन्द्रजंग शाही लागूऔषध ब्राउन सुगरसहित पक्राउ परेका छन् । प्रहरीको विशेष टोलीले बाँकेको ढकेरीबाट मेजर शाहीलाई पक्राउ गरेको हो । उनीसँगै ब्राउन सुगर कारोबारी रिम पौडेल पनि पक्राउ परेका छन् । उनीहरुको साथबाट ५४ ग्राम ब्राउन सुगर बरामद भएको प्रहरीले जनाएको छ ।
शाहीले आफू नेपाली सेनाको मेजर रहेको र श्रीमेयर गण शम्सेरगञ्जमा कार्यरत रहेको बताएका छन् । शाही ब्राउन सुगर खरिद गर्न ढकेरी गएको गोप्य सूचनाको आधारमा जिल्ला प्रहरी कार्यालय बाँके र कोहलपुरको विशेष टोलीले शनिबार साँझ छापा मारेको थियो ।
प्रकाशित मिति : १० असार २०७५, आईतवार ०८:००
