एलिजा गौतम र आशिसको ‘यो धड्कन’ सार्वजनिक

२५ कात्तिक, काठमाडौँ । अस्मिता अधिकारी र विशाल निरौलाको स्वरमा रहेको गीत ‘यो धड्कन’ सार्वजनिक भएको छ । गायक विशालकै अफिसियल युट्युब च्यानल मार्फत सार्वजनिक गरिएको याे गीतको निर्देशन तथा कोरीयोग्राफी गोविन्द राईको रहेको छ ।

नायिका एलीजा गौतम र आशिस कुमार फिचर्डकाे भिडियो रहेको गीतमा मिक्सडीया ग्रुपको प्रस्तुति रहेकाे छ। पछिल्लो समय एलिजा म्युजिक भिडियोमा चर्चामा रहेकी छिन् । यता मोडल आशिस कुमार भने मिस्टर रौनियार २०१९ को बिजेता पनि रहेका छन् । उनको यो पहिलो म्युजिक भिडियो हो ।

भरत रौनियारको शब्द तथा कन्सेप्टमा तयार पारिएको गीतको सङ्गीत खेम सरु मगरको रहेको छ भने एलेन मगरको छायाङ्कन , एकान्त मगरको सम्पादन र विशाल निरौलाकोको एरेन्ज गीतमा समावेश गरिएको छ । गीतको पोस्ट प्रोडक्सन डिसी फिल्म्सले गरेको छ ।