गायक सञ्जिव पराजुलीको नयाँ गीत ‘यसरी नहेर मलाई’ को भिडियो सार्वजनिक

२४ कात्तिक, काठमाडौँ। गायक सञ्जिव पराजुलीको नयाँ गीत ‘यसरी नहेर मलाई’ को भिडियो सार्वजनिक भएको छ । गीतमा होमनाथ न्यौपानेको शब्द, सचिन सिंहको संगीत तथा गोपाल रसाइलीको संगीत संयोजन रहेकाे छ  । दी भ्वाइस अफ नेपालको स्टुडियोमा छायाँकन गरिएको भिडियोमा गायक सञ्जिव फिचर्ड छन् ।

भिडियोमा वाद्यवादकहरु कृपेश ढकाल, एलेक्स डी प्रसन्न, अदित मगर र विक्रम थापालाई पनि देख्न सकिन्छ । गीतले एक युवतीप्रति एक युवकको प्रेमभावलाई व्यक्त गरेको छ । लक्ष्मण पौडेलले निर्देशन गरेको भिडियोमा अर्जुन तिवारी एण्ड टिमको छायाँकन, सोहन मानन्धरको सम्पादन रहेको छ ।