नयाँ पुस्ताका नेताहरुको बाहुल्यता रहनेगरी सचिवालय पुर्नगठन गरौं : पूर्व मन्त्री बास्कोटा
२३ कात्तिक, काठमाडाैँ । पूर्व सञ्चारमन्त्री तथा नेपाल कम्युनिष्ट पार्टी (नेकपा) का नेता गोकुल बास्कोटाले नयाँ पुस्ताका नेताहरुको बाहुल्यता रहनेगरी सचिवालयको पुर्नगठन गर्नुपर्ने बताएका छन् ।
आइतबार बास्कोटाले एक ट्विट गर्दै पार्टीको सचिवालयमा नयाँ पुस्तालाई नेतृत्व हस्तान्तरण गर्ने प्रक्रिया अगाडि सानुपर्ने बताएका हुन् । सचिवालयमा नयाँ पुस्ताको नेताहरुको बाहुल्यता रहनेगरी पुर्नगठन भएमा दुई कार्यकालको झन्झटपूर्ण खेल खत्तम हुनेमा पूर्वमन्त्री बास्कोटाले बताए ।
‘नयाँ पुस्तालाई नेतृत्व हस्तान्तरण गर्ने प्रक्रिया पार्टी सचिवालयमा पुरानाभन्दा नयाँ पुस्ताका नेताहरुको बाहुल्यता रहनेगरी सचिवालयको पुनर्गठनबाट सुरु गरौं,’ उनले लेखेका छन्, ‘कमसेकम दुई कार्यकालका झन्झटपुर्ण खेल खतम ।’
नयाँपस्तालाई नेतृत्व हस्तान्तरण गर्ने प्रकृया पार्टी सचिवालयमा पुरानाभन्दा नयाँपस्ताका नेताहरुकाे वाहुल्यता रहनेगरी सचिवालयकाे पुनर्गठनबाट सुरुगराै।कमसेकम दुई कार्यकालका झन्झटपुर्ण खेल खतम।
— Gokul Prasad Baskota (@GokulPBaskota) November 8, 2020
प्रकाशित मिति : 11:45
