सानिमा जनरल इन्स्योरेन्सको आइपिओ नेप्सेमा सूचिकृत, कति छ ओपनिङ्ग रेन्ज ?
१८ कात्तिक, काठमाडौँ । सानिमा जनरल इन्स्योरेन्स कम्पनी लिमिटेडकाे साधारण शेयर (आइपिओ) नेपाल स्टक एक्सचेञ्ज (नेप्से)मा सूचिकृत भएको छ । कम्पनीको १ करोड कित्ता साधारण शेयर (आइपिओ) आज नेप्सेमा सूचिकृत भएको हो ।
नेप्सेले कम्पनीको पहिलो कारोबारका लागि प्रति कित्ता न्युनतम १०३ रुपैयाँ ७३ पैसा देखि अधिकतम ३११ रुपैयाँ १९ पैसा ओपनिङ्ग रेन्ज तोकिएको छ । यसअनुसार बुधबार कम्पनीको कारोबार खुल्नेछ । सानिमा जनरल इन्स्योरेन्सको शेयरलाई एसजिआइ कारोबार संकेत प्रदान गरेको छ ।
प्रकाशित मिति : १८ कार्तिक २०७७, मंगलवार १४:४५