प्रथम नुवाकोट गोल्डकपः फाइनल प्रवेशका लागि अायोजक नुवाकोट ११ र थ्रीस्टार प्रतिस्पर्धा गर्दै

२३ जेठ, नुवाकोट । नुवाकोटमा जारी प्रथम नुवाकोट गोल्डकपमा फाइन प्रवेशका लागि आज नुवाकोट ११ र थ्रीस्टार प्रतिस्पर्धा गर्दैछन । सेमिफाइनलको पहिलो खेल र दोस्रो खेल भोलि हुँदै छ ।

अर्को सेमिफाइनलमा भोलि पुलिस क्बलले कास्की ११ सँग प्रतिस्पर्धा गर्नेछ । यसअघि हिजो भएका अन्तिम क्वार्टरफाइनल खेलमा रुपन्देही–११ लाई हराउदै पुलिस सेमिफाइनलमा प्रवेश गरेको थियो । बट्टारस्थित खेल मैदानमा मंगलबार भएको प्रतिस्पर्धामा नेपाल पुलिस क्लबले रुपन्देहीलाई ३–० गोल अन्तरले हराएको हो ।

नेपाल पुलिसलाई विजयी गराउन खेलको पहिलो हाफको ३० मिनेटमा अभिषेक रिजाल र दोस्रो हाफको ५५ र ८६ मिनेटमा सुमन लामाले दुई गोेल गरेका थिए । जिल्ला खेलकुद विकास समिति र नुवाकोट जिल्ला फुटबल संघको संयुक्त आयोजनामा भएको प्रतियोगिताको बिजेतालाई पाँच लाख र उपविजेतालाई तीन लाख पुरस्कार रहेको छ ।