प्रथम नुवाकोट गोल्डकप आजदेखि, उद्घाटन खेलमा नुवाकोट ११ र चितवन ११ ले प्रतिस्पर्धा गर्ने

१७ जेठ, नुवाकोट । प्रथम नुवाकोट गोल्डकप प्रतियोगता आजदेखि नुवाकोटको विदुरमा सुरु हुँदैछ । प्रतियोगिताको उद्घाटन खेलमा नुवाकोट ११ र चितवन ११ ले प्रतिस्पर्धा गर्ने भएका छन । नुवाकोटको खेलकुद ईतिहासमा पहिलोपटक हुन लागेको राष्ट्रिय स्तरको प्रतियोगिताको सफलताका लागि नुवाकोटका स्थानीय तहहरुले महत्वपुर्ण सहयोग उपलब्ध गराएका छन् ।

जिल्ला खेलकुद विकास समिति र नुवाकोट जिल्ला फुटबल संघको आयोजनामा हुन लागेको प्रतियोगिताको सम्पूर्ण तयारी पूरा भएको आयोजक एन्फा नुवाकोटका उपाध्यक्ष उद्धव पनेरुले जानकारी दिए । उनले प्रतियोगितामा १० टिमको सहभागिता रहने जानकारी दिए ।

प्रतियोगिताको दिउँसो २ प्रतिनिधिसभा सदस्य नारायणप्रसाद खतिवडाले उद्घाटन गर्ने छन भने ३ बजेबाट खेल सुरु हुनेछ । अखिल नेपाल फुटबल संघका केन्द्रीय सदस्य पूर्णमान चित्रकारले प्रतियोगितामा समूह ‘ए’ अन्तर्गत नुवाकोट – ११ , चितवन –११, फ्रेण्डस कल्व, मदन भण्डारी स्पोर्टस एकेडेमी र थ्रिस्टार कलब तथा समूह ‘बि’ अन्तर्गत काठमाडौं– ११, पोखरा –११, एपिएफ कल्व, रुपन्देही –११ र नेपाल पुलिस कल्वल रहेको जानकारी दिए ।