उदयपुरमा भेटिए ८ जना कोरोना संक्रमित, धरानस्थित बीपी प्रतिष्ठान पठाइयाे

९ वैशाख, काठमाडौँ । उदयपुरमा ८ जना कोरोना भाइरस संक्रमित भेटिएका छन् । त्रियुगा नगरपालिका-३ भुल्केका ८ जनामा कोरोना भाइरस पोजेटिभ देखिएपछि उनीहरुलाई एम्बुलेन्समा राखेर धरानस्थित बीपी कोइरला स्वास्थ्य विज्ञान प्रतिष्ठान लगिएकाे छ ।

विराटनगरस्थित कोशी प्रादेशिक अस्पतालको प्रयोगशालामा पीसीआर परीक्षण गर्दा उनीहरुमा कोरोना भाइरस पोजेटिभ देखिएपछि थप परीक्षणका लागि स्वाब धरानमा थियाे ।

भुल्केस्थित एक मस्जिदमा रहेका १६ मध्ये एकैपटक १२ जनामा कोरोना संक्रमण देखिएको थियो। पछि बाँकी चार जनामध्ये थप एकजनामा पनि संक्रमण देखिएकाे थियाे ।

आज काेराेना संक्रमितसँग १३ जनाकाे सम्पर्कमा आएका थप ८ जनामा कोरोना संक्रमण देखिएको हो।  मस्जिदमा रहेका १३ जनामा कोरोना संक्रमण देखिएपछि भोलिपल्टै संक्रमितसँग सम्पर्कमा आएका ६९ जनाको स्वाब परीक्षण गर्न कोसी प्रयोगशाला पठाइएको थियो।

त्रियुगा नगरपालिका ३ स्थित भुल्केमा नेपाली सेनाले सोमबार मात्रै १५२ जनाको स्वाब संकलन गरि राष्ट्रिय जनस्वास्थ्य प्रयोगशा ल्याइएको छ। त्रियुगा नगरपालिकाको मस्जिदमा रहेका १३ जनालाई यसअघि नै कोरोना भाइरस भएको पुष्टि भइसकेको छ।