१३औं साग : कुन देशको पोल्टामा कति पदक !
२२ मंसिर, काठमाडौं । १३औं दक्षिण एसियाली खेलकुद (साग) मा भारतले पदक तालिकामा अग्रस्थान कायमै राखेको छ । नेपाल भने दोस्रो स्थानमा छ ।
भारतले शनिबारको खेल सकिँदासम्म १०६ स्वर्ण, ६९ रजत र ३५ कास्यसहित २१० पदक प्राप्त गरेको छ । नेपालले हालसम्म ४३ स्वर्ण, ३३ रजत र ६२ कास्यसहित १३८ पदक जितेको छ ।
यस्तै श्रीलंका ३० स्वर्ण, ५४ रजत र ८३ कास्यसहित तेस्रो, पाकिस्तान २१ स्वर्ण, २८ रजत र ३४ कास्यसहित चौथो, बंगलादेश ७ स्वर्ण, २२ रजत र ५४ कास्यसहित पाँचौँ, माल्दिभ्स १ स्वर्ण र २ कास्य जित्दै छैटौँ भएको छ ।
अहिलेसम्म एउटा पनि स्वर्ण पदक जित्न नसकेको भुटान ६ कास्यसहित पदक तालिकाको पुछारमा छ ।
नेपालले शनिबार म्याराथन र कुस्तीमा एक-एक स्वर्णपदक जितेको थियो । नेपालका किरणसिंह बोगटीले पुरुष म्याराथनमा स्वर्ण जितेका हुन् । नेपालले साग इतिहासमा २४ वर्षपछि पुरुष म्याराथनमा स्वर्ण जितेको हो । यसअघि सागमा नेपालका टीका बोगटीले म्याराथनमा स्वर्ण जितेका थिए ।
यस्तै सागअन्तर्गत कुस्तीको महिला ५५ किलो तौलमा नेपालकी संगीता धामीले स्वर्ण जितेकी छिन् ।
यस्तो छ साग पदक तालिका :
देश स्वर्ण कास्य रजत जम्मा
भारत १०६ ६९ ३५ २१०
नेपाल ४३ ३३ ६२ १३८
श्रीलंका ३० ५४ ८३ १६७
पाकिस्तान २१ २८ ३४ ८३
बंगलादेश ७ २२ ५४ ८३
माल्दिभ्स १ ० २ ३
भुटान ० ० ६ ६
प्रकाशित मिति : २२ मंसिर २०७६, आईतवार ०८:३८
