२२ आश्विन २०८१, मंगलवार | Tue Oct 8 2024

भोलि र पर्सि कलंकी-कोटेश्वर मुख्य लेन बन्द !

१९ मंसिर, काठमाडौं १३औं दक्षिण एसियाली खेलकुद (साग) अन्तर्गतको साइक्लिङ खेल कलंकी-सातदोबाटो खण्डमा हुने भएको छ । भोलि र पर्सि (शुक्रबार र शनिबार) ४ घण्टा यो सडकको मुख्य लेनमा सवारीसाधन चलाउन नपाइने ट्राफिक प्रहरीले जनाएको छ ।

महाशाखाले हिजो (बुधबार) सूचना जारी गरी भोलि (शुक्रबार) कलंकीबाट कोटेश्वरसम्म र पर्सि (शनिबार) कलंकीबाट सूर्यविनायकसम्मको खण्डमा सर्भिस लेन प्रयोग गरिदिन सडक प्रयोगकर्तालाई अनुरोध गरेको छ ।

यद्पी दायाँ-बायाँको लेनमा भने सवारीसाधान चलाउन पाइनेछ । साग खेलकुदअन्तर्गत भोलि र पर्सि यो खण्डमा साइक्लिङ हुँदै छ ।

महाशाखाका प्रमुख (प्रहरी वरिष्ठ उपरीक्षक) भीमप्रसाद ढकालले कलंकीदेखि कोटेश्वरसम्मको सडकमा सर्भिस लेन प्रयोग गर्न र कोटेश्वरबाट गठ्ठाघर, सल्लाघारी हुँदै जगातीतर्फ जाने सडक प्रयोगकर्ताले जडीबुटी, पुरानो थिमी, व्यासी, कमलविनायक, च्यामासिंह हुँदै जगातीको सडक प्रयोग गरी सहयोग गर्न आग्रह गरे ।

प्रकाशित मिति : १९ मंसिर २०७६, बिहीबार ०८:१८