सोलुखुम्बुको विकट गाउँको विद्यालयलाई ४८ थान ल्यापटप हस्तान्तरण
१३ वैशाख, सोलुखुम्बु । हाँको छेस्काम माध्यमिक विद्यालयलाई एक विदेशी नागरिकले ४८ थाने ल्यापटप हस्तान्तरण गरेका छन् ।
कम्प्युटर कक्षा सञ्चालनका लागि एक विदेशी नागरिकले उक्त ल्यापटप सहयोग गरेको विद्यालयका प्रधानाध्यापक गुरुप्रसाद राईले बताए । उहाँका अनुसार क्यानडाका नागरिक मेरी कृष्टिलेरोसले विद्यालयलाई डेल कम्पनीको ल्यापटप हस्तान्तरण गरेका हुन् ।
विगत लामो समयदेखि विद्यालयलाई विभिन्न प्रकारका शैक्षिक सामग्री उपलब्ध गराउँदै आएका क्यानेडियन नागरिक मेरी कृष्टिलेरोसले यस शैक्षिकसत्रदेखि कक्षा सञ्चालन गर्ने गरी कम्प्युटर उपलब्ध गराएको प्रधानाध्यापक राईले बताए ।
जिल्लाको सबैभन्दा विकट क्षेत्रमा कम्प्युटर कक्षाको व्यावहारिक ज्ञानसमेत विद्यालयबाट नै प्राप्त गर्ने भएपछि विद्यार्थीले खुशी व्यक्त गरेका छन् ।
कम्प्युटर कक्षाका लागि ६ कक्षादेखि माथिका विद्यार्थीले सहभागिता जनाउने विद्यालयले जनाएको छ ।
प्रकाशित मिति : १३ बैशाख २०७५, बिहीबार १२:१०
