चन्द्रबहादुर गुरुङको स्मृति फुटसलको उपाधि सहिद स्‍मारक कलेज एलाई

६ असोज, काठमाडाैँ । राप्रपा नेपालका महामन्त्री एवं पहिलो संविधानसभाका सदस्य चन्द्रबहादुर गुरुङको स्मृतिमा आयोजित फुटसल प्रतियोगिता सहिद स्‍मारक कलेजको टिम ए ले उपाधि जितेको छ। सोमबार समापन भएको प्रतियोगिताको उपाधि सहिद स्मारक कलेजको टिम ए ले हात पारेको हो।  उक्त टिमले सहिद स्मारक कलेजकै बि टिमलाई ४–१ गोल अन्तरले पराजित गरेको थियो।

विजयी सहिद स्मारक ए टिमले ट्रफी र मेडलसहित नगद बीस हजार हात पार्‍यो, उपविजेता सहिद स्मारक बी टिमले ट्रफी र मेडलसहित १५ हजार हात पार्‍यो। त्यस्तै कलेज अफ वायोमेडिकल साइन्सेसले नाइटिङ्गेल कलेजलाई ३–० गोलले पराजित गर्दै तेस्रो स्थान सुरक्षित गरेको संगठनका उपाध्यक्ष शशी भण्डारीले जानकारी दिए। विजयी र उपविजयी टिमलाई राप्रपाका वरिष्ठ उपाध्यक्ष एवं पुर्वगृहमन्त्री बुद्धीमान तामाङ, राप्रपाका सहमहामन्त्री चन्द्रबहादुर गुरुङ र प्रदेश नम्बर ३ कि सांसद रिता माझीले पुरस्कार वितरण गरे ।

समापन समारोहलाई प्रमुख अतिथि बुद्धीमान तामाङ , चन्द्रबहादुर गुरुङ र संगठनका अध्यक्ष महेश सिंहले सम्बोधन गरेका थिए। स्व. गुरुङ अखिल नेपाल फुटबल संघको अध्यक्ष, राष्ट्रिय खेलकुद परिषद्को सदस्य, एसियाली युथ काउन्सीलको उपाध्यक्षलगायत विभिन्न खेलकुद तथा सामाजिक संस्थामा संलग्न थिए।