सलाम छ रगत दिएर सुत्केरीकाे ज्यान बचाउने सुरक्षाकर्मीलाई

१० साउन, बाजुरा । बाजुरामा एक सुत्केरीलाई रगत दिएर सुरक्षाकर्मीले ज्यान जानबाट जाेगाएका छन् ।  बडिमालिका नगरपालिका ८ बस्ने ३० बर्षकि पारु रावलकाे गर्भपतन पछि अत्याधिक रक्तस्राब भएकाे थियाे ।  रगतका लागि प्रहरी कार्यलयमा खबर गर्दा डिएसपि उद्धब भाटले रगत दिएको जिल्ला अस्पताल बाजुराका डा. टिकाराम राईले बताए । खबर आएपछि रगत समुह  मिल्ने भएकाले रगत दिएको जिल्ला प्रहरी कार्यालय बाजुराका प्रमुख उद्धब सिंह भाटले बताए।

बाजुरा जिल्लामा नेपाली सेना शसस्त्र प्रहरी नेपाल प्रहरीले सुत्केरी र बिरामीलाई रगत दिएर ज्यान बचाउने गरेको स्वास्थ्यकर्मीले बताएका छन् । बुढिन्नदा नगरपालिका ८ पाण्डुसैनकि ४२ बर्षिय थुमरा कठायतलाई पनि दुई साता पहिला सुरक्षाकर्मीले रगत दिएर ज्यान बचाएका थिए। उनलाई शसस्त्र प्रहरी आश्रित गुल्म बाजुरामा कार्यरत साहयक हवल्दार चैन नाथ योगीले रगत दिएका थिए।