हङ्कङका प्यारालाइसिस रोगीलाई नेपालीको सहयोग
१ वैशाख, तेह्रथुम । हङ्कङमा बस्दै आएका आठराई गाउँपालिका–१, संक्रान्तिबजारका सन्तोष लिम्बूलाई मेरुदण्डको प्यारालाइसिस उपचारका लागि यहाँका नेपालीले आर्थिक सहयोग गरेका छन् ।
पत्रकार मनकुमार फोम्बोले मेरुदण्डको प्यारालाइसिसबाट पीडित २२ वर्षीय लिम्बूको उपचारका लागि उनका आमा विष्णुकुमारी लिम्बूलाई रु ५३ हजार ६०० सहयोग रकम हस्तान्तरण गरेका छन् ।
वैदेशिक रोजगारीका लागि विसं २०७० मा मलेशिया गएका लिम्बूको काम गर्ने क्रममा ढाड सड्किएपछि शल्यक्रिया गर्दा ढाडको नसा छिनेको र पछि प्यारालाइसिस भएको परिवारले जनाएको छ ।
मलेसियाको सिगेबुल हस्पिटलमा सामान्य शल्यक्रियामा डाक्टरको हेलचेक्राइँका कारण ढाडको नसा छिनाइदिए पछि थलिएको पीडितको भनाइ छ । चार वर्षदेखि प्यारालाइसिसबाट पीडित लिम्बूको अहिले छातीदेखि मुनिका कुनै अंग नचल्ने भएका छन् । लिम्बूको उपचारका लागि हालसम्म रु २८ लाखभन्दा बढी खर्च भइसकेको छ ।
लिम्बूको मेरुदण्डको फेदमा शल्यक्रियाको घाउ अझै निको भएको छैन । नियमित औषधिका लागि मासिक रु ३० हजार खर्च हुन्छ । औषधि खरिदका लागि पनि समस्या रहेको पीडितका परिवारले बताएको छ । सफल उपचारका लागि उनका परिवारले सबैमा सहयोगको याचना गरेका छन् ।
प्रकाशित मिति : १ बैशाख २०७५, शनिबार १४:३४
