दैवी उद्धार कोषमा ७ अर्ब ८८ करोड बढी जम्मा, १५ पालिकालाई बजेट निकासा

१७ भदौ, काठमाडौँ । प्रधानमन्त्री बालेन्द्र शाहले ‘प्रधानमन्त्री दैवी उद्धार कोष’ मा हालसम्म ७ अर्ब ८८ लाख ५७ हजार २१७ रुपैयाँ जम्मा भएको जानकारी दिएका छन् ।बुधबार प्रतिनिधिसभाको बैठकलाई सम्बोधन गर्दै प्रधानमन्त्री बालेनले विपद् व्यवस्थापनका लागि कोषको मौज्दात र निकासा सम्बन्धी विवरण सार्वजनिक गरेका हुन् ।  प्रधानमन्त्री शाहका अनुसार सरकारले विपद् व्यवस्थापन र राहत कार्यलाई प्रभावकारी बनाउन राष्ट्रिय विपद् न्यूनीकरण तथा व्यवस्थापन प्राधिकरणका नाममा १ अर्ब रुपैयाँ निकासा गरिसकेको छ ।

उनका अनुसार सरकारले विपद् व्यवस्थापन तथा राहत कार्यलाई प्रभावकारी बनाउन राष्ट्रिय विपद् जोखिम न्यूनीकरण तथा व्यवस्थापन प्राधिकरणका नाममा १ अर्ब रुपैयाँ निकासा गरिसकेको छ।प्राधिकरणलाई उपलब्ध गराइएको उक्त रकममध्ये हालसम्म बाढी प्रभावित विभिन्न १५ वटा पालिकालाई ६ करोड ७५ लाख रुपैयाँ निकासा गरिएको प्रधानमन्त्री शाहले जानकारी दिए। स्थानीय तहलाई सिधै बजेट उपलब्ध गराएर तत्काल राहत, पुनर्स्थापना तथा आवश्यक व्यवस्थापनका कामलाई गति दिने प्रयास गरिएको उनको भनाइ छ।