भिजिट भिसा प्रकरणमा छानबिन समिति बनाउ माओवादी केन्द्रको माग

८ असार, काठमाडौं। नेकपा माओवादी केन्द्रका प्रमुख सचेतक हितराज पाण्डेले सहमति अनुसार सरकारले भिजिट भिसा प्रकरणमा छानबिन समिति बनाउनुपर्ने माग गर्नुभएकाे छ । प्रतिनिधिसभाको आइतबारको बैठकमा बोल्दै उहाँले भिजिट भिसा प्रकरणबारे अभिलम्ब छानबिन समिति गठन गर्न सरकारसमक्ष माग गर्नुभएकाे हाे ।

साथै, उहाँले महिला, बालबालिका तथा ज्येष्ठ नागरिक मन्त्रालयलाई बजेटले उपेक्षा गरेको भन्दै बालबालिकको शिक्षा, ज्येष्ठ नागरिकको सामाजिक सुरक्षा तथा महिलाको अधिकार र सुरक्षाको सुनिश्चितताका लागि प्रयाप्त बजेट छुट्याउनुपर्नेमा जोड दिनुभयो ।