जनता बैंकका सेयरधनीले ८.५० प्रतिशत नगद लाभांश पाउने
२९ पुस, काठमाडाैँ । जनता बैंकका सेयरधनीले ८.५० प्रतिशत नगद लाभांश पाउने भएका छन । आइतबार काठमाडौंको बत्तीसपुतली स्थित अनुपम फुडल्याण्डमा सम्पन्न बैंकको नवौं वार्षिक साधारणसभाले सञ्चालक समितिको सेयरधनीले ८.५० प्रतिशत नगद लाभांश दिने प्रस्ताव पारित गरेको हो ।
साधारणसभाले आर्थिक वर्ष २०७४/७५ सम्मको सञ्चित मुनाफा समेतको रकमबाट सेयरधनीहरुलाई चुक्ता पुँजीको ६८ करोड ६६ हजार रुपैयाँ बराबरको नगद लाभांश वितरण गर्न बाटो खोलिदिएको हो । बैंकको निक्षेप संकलन ६८ अर्ब र कर्जा लागानी ६३ अर्ब रुपैयाँ पुगेको छ । बैंकले चालु आर्थिक बर्षको प्रथम त्रैमासमा ३२ करोड रुपैयाँ मुनाफा आर्जन गरेको छ।
प्रकाशित मिति : २९ पुष २०७५, आईतवार १८:१७