सेयर धितो कर्जाको जोखिमभार घटाउने व्यवस्था कार्यान्वयनमा

१४ जेठ, काठमाडौं । सेयर धितो कर्जाको जोखिरभारमा गरिएको १०० प्रतिशतको व्यवस्था कार्यान्वयनमा आएको छ । बुधबार नेपाल राष्ट्र बैंकले एकीकृत निर्देशन जारी गर्दै उक्त व्यवस्था कार्यान्वयनमा ल्याएको हो ।

यो सँगै अबबाट सेयर धितो कर्जाको जोखिमभार १०० प्रतिशत कायम भएको छ ।  त्यस्तै, जेठ १८ गतेदेखि लागू हुने गरि बैंक तथा वित्तीय संस्थाहरुले कूल निक्षेप दायित्वको ४ प्रतिशत अनिवार्य नगद मौज्दातबापत दैनिक न्यूनतम ९० प्रतिशत रकम राष्ट्र बैंकमा राख्नुपर्ने राष्ट्र बैंकले जनाएको छ।  यसअघि अनिवार्य नगद मौज्दातबापत दैनिक न्यूनतम ७० प्रतिशत रकम राष्ट्र बैंकमा राख्नुपर्ने व्यवस्था थियो।