राष्ट्र बैंकले नयाँ गभर्नर पाउने भएपछि उच्च अंकले बढ्यो नेप्से

६ जेठ, काठमाडौं । साताको तेस्रो कारोबारको दिन मंगलबार सेयर बजार हरियाली छाएको छ । आज नेप्से परिसूचक ४९.९ अंकले बढेर २६७७.४५ को विन्दुमा बन्द भएको छ ।

नेप्से बढेपनि यस दिन कारोबार रकम भने घटेको छ। यस दिन ३१० स्टकको ७३ हजार ५४ पटकको कारोबारमा ७ अर्ब ३१ करोड २७ लाख ९० हजार रुपैयाँ बराबरको १ करोड ६८ लाख ८८ हजार कित्ता सेयर खरिदबिक्री भएको छ।

यस दिन ३ कम्पनीकाे सेयर मूल्यमा सकारात्मक सर्किट लागेकाे छ छ। यस दिन सिन्धु विकास बैंक, सप्तकोशी डेभलपमेन्ट बैंक र ओम मेगाश्री फर्मास्यूटिकल्सको सेयर सकारात्मक सर्किट लागेकाे हो। यस दिन बाराही हाइड्रोपावर पब्लिकको सेयरमूल्य सर्वाधिक ७.३९ प्रतिशत घटेको छ। कारोबार रकमका आधारमा यस दिन राधी विद्युत कम्पनी शीर्ष स्थानमा रहेको छ।