अछाममा असईले आफैंलाई हाने गोली

१४ मंसिर, धनगढी । अछाममा नेपाल प्रहरीका प्रहरी सहायक निरीक्षक (असई) ले आफैंमाथि गोली प्रहार गरेका छन् ।

अछामका प्रमुख प्रहरी नायब उपरीक्षक (डीएसपी) ईश्वरीप्रसाद भण्डारीका अनुसार चन्दले बिहीबार राति आफैंले बोकेको पेस्तोलले बायाँ छातीको माथिल्लो भागमा गोली प्रहार गरेको हो ।

असई चन्द तुर्माखाद गाउँपालिका–३ को भैरवस्थान प्रहरी चौकीका इन्चार्ज समेत थिए । यधपी अहिले चन्दको बाँकेको कोहलपुर मेडिकल कलेजमा उपचार भइरहेको छ । साथै उनी बोल्न सक्ने अवस्थामा रहेका छन् ।

घटनाबारे छानबिन गर्न इलाका प्रहरी कार्यालय कमलबजारका प्रमुख प्रहरी निरीक्षक हर्षबहादुर चन्दको नेतृत्वमा पाँच सदस्यीय समिति गठन गरिएको डीएसपी भण्डारीले जानकारी दिए ।

गोली प्रहारको कारण भने खुलिसकेको छैन ।