प्रधानमन्त्री ओलीले बोलाए मन्त्रिपरिषद् बैठक
१३ मंसिर, काठमाडौँ । प्रधानमन्त्री केपी शर्मा ओलीले मन्त्रिपरिषद् बैठक बोलाउनुभएको छ । उक्त बैठक आज साँझ ५ बजे प्रधानमन्त्री तथा मन्त्रिपरिषद्को कार्यालय सिंहदरबारमा बोलाउनुभएको हो ।
बैठकमा प्रधानमन्त्रीको चीन भ्रमणलगायतका विषयमा छलफल हुनेछ । साथै प्रधानमन्त्रीको चिन भ्रमण तालिका अनुसार १८ गते चिनियाँ राष्ट्रपति सी जिनपिङ र प्रधानमन्त्री लि छ्याङसँग बेग्लाबेग्लै भेटवार्ता हुनेछन् । सोही क्रममा दुई देशबिच सहयोगसम्बन्धी सम्झौतामा हस्ताक्षर समेत हुने मन्त्रालयले जनाएको छ ।
यही मङ्सिर १७ गतेदेखि प्रधानमन्त्री ओली चीन भ्रमणमा जाने तयारीमा हुनुहुन्छ ।
प्रकाशित मिति : १३ मंसिर २०८१, बिहीबार ०९:४५
