सिनामंगलको एक होटलमा एक जोडी युवायुवती झुण्डिएको अवस्थामा भेटिए

९ मंसिर, काठमाडौं । काठमाडौँको सिनामंगलमा एक जोडी झुण्डिएको अवस्थामा फेला परेका छन । सिनामंगलको एक होटलमा उनीहरू झुण्डिएको अवस्थामा फेला परेको र अहिले प्रहरी घटनास्थलमा पुगेर अनुसन्धान सुरू गरेको जिल्ला प्रहरी परिसर काठमाडौंका प्रवक्ता एसपी नवराज अधिकारीले जानकारी दिनुभएको छ ।

मृत भेटिएकाहरू मध्ये युवा सुनसरी जिल्लाका रमेश माझी रहेका छन भने युवतीको नाम र उमेर खुलेको छैन । शनिबार साँझ ६ बजे होटल जन्मभूमि पुगेका उनीहरु चौथो तलाको कोठा नम्बर १२० मा झुण्डिएको अवस्थामा फेला परेका हुन । आइतबार बिहानसम्म ढोका नखुलेपछि प्रहरीलाई खबर गरिएको थियो ।