पहिरोले यात्रुवाहक बस पुर्‍यो

१२ असो, काठमाडौँ । निरन्तरको बर्षाले पृथ्वी राजमार्ग अन्तर्गत धादिङको धुनीबेशी नगरपालिका र काठमाडौंको चन्द्रागिरि नगरपालिकाको सीमा झ्याप्ले खोलामा पहिरो खस्दा यात्रुवाहक बस पुरेको छ। आज बिहान करिब साढे २ बजेतिर आएको पहिरोले यात्रुबाहक बस पुरेको हो ।

सो क्षेत्रमा फसेका यात्रुहरूलाई चन्द्रागिरि नगरपालिकाले बसको व्यवस्था गरी सुरूङ मार्गबाट उद्धार गरिएको छ।

लगातारको बर्षाले देशका बिभिन्न स्थानमा सडक अवरोध हुनुका साथै कैयौले ज्यान समेत गुमाएका छन् ।

नेपाल प्रहरीका सहप्रवक्ता, प्रहरी वरिष्ठ उपरीक्षक विश्व अधिकारीका अनुसार विपद्का घटनामा परेर हालसम्म ३४ जना घाइते भएका छन् भने ४० जना सम्पर्कविहीन भएका छन्।अहिलेसम्म एक हजारभन्दा बढीको उद्धार गरिएको छ।