जर्मनीमा चक्कु प्रहारबाट तीन जनाको मृत्यु, चार जना गम्भीर घाइते
८ भदाै, सोलिङ्गेन । शुक्रबार साँझ जर्मनीको सोलिङ्गेनमा ६५० औँ वर्षगाँठ मनाइँने क्रममा चक्कु प्रहार भएकाे छ । उक्त प्रहारबाट तीन जनाको मृत्यु भएको छ भने चार जना गम्भीर घाइते भएका छन् ।
बिल्ड वेबसाइटका अनुसार एक व्यक्तिले अन्धाधुन्ध रूपमा चक्कु प्रहार गरेका थिए। आक्रमणकारी भने अझै फरार भएकाे र व्यापक रूपमा खोजी भइरहेको छ । प्रहरीको हेलिकप्टरहरू पनि खाेजिका लागि सहर माथि घुमिरहेको देखिएको छ ।
बिल्डका अनुसार प्रहरीले छुरा प्रहार गर्नेको खोजीमा ४० वटा सवारी साधन परिचालन गरेको छ । सवारी साधनहरू विशेष टास्क फोर्सका अधिकारीहरूले कमान्ड गरिरहेका छन्। सडकहरू अवरुद्ध गरिएको छ भने स्थानीय बासिन्दाहरूलाई घर भित्रै बस्न भनेका छन् ।
प्रकाशित मिति : ८ भाद्र २०८१, शनिबार १०:१९
