छहरे-टोखा सडक खण्डको ठाउँ ठाउँमा पहिरो, सडक अबरूद्ध
३० असार, नुवाकोट । निरन्तरको वर्षाका कारण छहरे-टोखा सडक खण्डको ठाउँ ठाउँमा पहिरो खसेको छ । शिवपुरीका स्थानीय प्रविन थपलियाका अनुसार छहरे टोखा सडक खण्डको ६ ठाउँमा पहिरो गएको छ ।
उनका अनुसार ठानाभञ्याङको ढलानघर आसपास, चापावोटको अदुवावारी, बोहोरेखोला आसपासको खोल्चा, काफलडाँडाको पधेराको खोल्चा, पाङ्ग्रा दोबाटो आसपास र छहरे वजार आसपासमा सानाठूला पहिरो गएको छ । पहिरोले गर्दा अहिले त्यस क्षेत्रको विधुतमा समेत अबरोध भएको छ । पहिरो पन्छाउन केही समय लाग्ने प्रहरीले जनाएको छ ।
प्रकाशित मिति : ३० असार २०८१, आईतवार ०८:१६
