श्रीमतीलाई माइत जानदिएको भन्दै युवकले काठको चिर्पटले हानेर बुवा र ठूलाबाको हत्या गरे

२१ मंसिर, धनगढी ।  कैलालीको लम्कीचुहा नगरपालिका–४ बलियाका एक युवकले आफ्नी श्रीमतीलाई माइत जान दिएको भन्दै बुवा र ठूलाबाको काठको चिर्पटले हानेर हत्या गरेका छन् । बलियाका २१ वर्षीय जहरसिंह चौधरीले ५५ वर्षीय बुवा चंख चौधरी र ६० वर्षीय ठूलो बुवा पल्टु चौधरीलाई  चिर्पट प्रहार गरेर हत्या गरेका हुन् ।

चौधरीकाे प्रहारबाट उनको आमा पनि घाइते भएकी छिन् । उनको  स्थानीय लालरत्न अस्पताल लम्कीमा उपचार भइरहेको जिल्ला प्रहरी कार्यालय कैलालीका प्रहरी नायव उपरीक्षक हरि ओलीले जानकारी दिए ।

प्रहरीको प्रारम्भिक अनुसन्धान अनुसार जहरीलालले आफ्नी पत्नीलाई बिना जानकारी माइत किन जान दिएको भन्दै बुवा, ठूला बुवा र आमालाई ढोका थुनेर कुटपिट गरेको जनाइएको छ ।