३ श्रावण २०८१, बिहीबार | Fri Jul 19 2024

धनुषामा गहुँको उत्पादनमा कमी, किसानलाई रु ७३ करोड ८० लाख घाटा


१८ जेठ, काठमाडाैँ । धनुषामा गहुँको उत्पादनमा कमी आएको छ । जिल्ला कृषि ज्ञान केन्द्र धनुषा, जनकपुरधामका अनुसार चालु आर्थिक वर्षमा ३३ हजार पाँच सय हेक्टर क्षेत्रफल जमिनमा गहुँखेती गरिएकामा ५७ हजार पाँच सय मेट्रिकटन गहुँ उत्पादन भएको छ ।

गत वर्ष भने ३४ हजार हेक्टर क्षेत्रफलमा गहुँ खेती गरिएकामा एक लाख १५ हजार ६ सय मेट्रिकटन उत्पादन भएको थियो । दुवै आर्थिक वर्षबीचको तुलना गर्दा गत वर्षको तुलनामा चालु आर्थिक वर्षमा १८ हजार चारसय ५० मेट्रिकटन गहुँ कम उत्पादन भएको छ । यसबाट किसानलाई रु ७३ करोड ८० लाख घाटा भएको छ । अहिले प्रतिक्विन्टल रु पाँच हजारको दरले गहुँ बिक्री वितरण भइरहेको छ ।

यसवर्ष गहुँखेतीको क्षेत्रफलमा आएको कमी तथा मल र पानीको अभावका कारण गहुँ उत्पादनमा ह्रास आएको कार्यालयका बागबानी विकास अधिकृत प्रदीप यादवले जानकारी दिए ।

प्रकाशित मिति : १८ जेष्ठ २०८१, शुक्रबार १६:२७