भ्रष्टाचारको आरोप लागेका विकल पौडेल थुनामा
१६ जेठ, काठमाडौँ । गैरकानुनी सम्पत्ति आर्जन गरी भ्रष्टाचार गरेको आरोप लागेका सुरक्षण मुद्रण केन्द्रका तत्कालीन कार्यकारी निर्देशक विकल पौडेललाई थुनामा पठाउन विशेष अदालतले आदेश दिएको छ ।
बुधबार पौडेललाई न्यायाधीशहरू खुशीप्रसाद थारू, तेजनारायण सिंह र मुरारीबाबु श्रेष्ठको इजलासले थुनामा राखी मुद्दाको प्रक्रिया अघि बढाउन आदेश दिएको हो ।
उनलाई आदेशपछि डिल्लीबजार कारागारमा लगिएको छ । उनी गत माघ १० गते पक्राउ परेदेखि अख्तियार दुरुपयोग अनुसन्धान आयोगको हिरासतमा थिए ।
उनलाई विशेष अदालतले सुरक्षण मुद्रण केन्द्रको भ्रष्टाचार र झुटो विवरण बुझाएर नियुक्ति लिएको छुट्टाछुट्टै दुई भ्रष्टाचार मुद्दामा दोषी ठहर गरेको छ । उनीविरुद्ध विशेष अदालतमा भ्रष्टाचारका दुईवटा मुद्दा विचाराधीन छन् ।
प्रकाशित मिति : १६ जेष्ठ २०८१, बुधबार १९:४९
