इलाम २ मा एमालेका सुहाङ नेम्वाङलाई ३७ सय बढीको अग्रता

१७ वैशाख, काठमाडौं । इलाम क्षेत्र नम्बर २ मा भएको उपनिर्वाचनको जारी मतगणनामा सुहाङ कांग्रेसका खड्काभन्दा ३७३४ मतले अगाडि छन्। कांग्रेसका उम्मेदवार डम्लाबर खड्कालाई पछि पार्दै नेकपा एमालेका उम्मेदवार सुहाङ नेम्वाङले निरन्तर अग्रता बढाउँदै लगेका छन । सुहाङ फराकिलो मतान्तरसहित अघि लागेका हुन् ।

नेम्वाङले ११ हजार ९ मत ल्याएका छन्। त्यस्तै, नेपाली कांग्रेसका उम्मेदवार डम्बरबहादुर खड्काले ७२७५ मत ल्याएका छन्।  स्वतन्त्र उम्मेदवार डकेन्द्र थेगिमले ५८६९ मत ल्याएका छन् भने रास्वपाका उम्मेदवार मिलन लिम्बूले १५०९ मत ल्याएका छन्।